Сэтгэл зүйн зөвлөгөө үйлчилгээний тухай

Төлбөрийн сонголт: ₮95.000 | $29 | £22 Таны өсвөр насны хүүхдийн сэтгэл зүйн сайн сайхан байдал, эрүүл мэнд, сэтгэл хөдлөлийн ур чадваруудыг дэмжих сэтгэл зүйн зөвлөгөө үйлчилгээ. Өсвөр насны хүүхэдтэй явагдах сэтгэл зүйн зөвлөгөөний үеэр хамгийн чухал зүйл бол түүний бие даасан байдлыг хүндэтгэж, нууцлалыг хадгалах явдал юм. Өөрөөр хэлбэл хэрэв өсвөр насны хүүхэд ямар нэгэн чухал зүйлийг сэтгэл зүйчид хэлвэл түүнээс заавал зөвшөөрлийг нь авч байж сэтгэл зүйч эцэг эхэд нь хэлэх үүрэгтэй. Ийм байдлаар нууцлалыг хадгалж ажиллах нь хамгийн сайн үр дүнтэй. 60 минутын онлайн зөвлөгөөний явц: 1. Эхний 10-15 минут: Өсвөр насны хүүхэд ба эцэг эх, асран хамгаалагчтай танилцана. Зөвлөгөөнд цаг авч ярилцах болсон гол шалтгаан буюу санаа зовоож буй асуудалтай танилцана. 2. Үндсэн 30- 45 минут: Өсвөр насны хүүхэдтэй ганцаарчлан ярилцана. Эцэг эх, асран хамгаалагч түр өөр өрөөнд байж, хүүхдэд тухтай чөлөөтэй ярих боломжийг олгож, аюулгүй тухтай өрөөнд хүүхдийг сэтгэл зүйчтэй үлдээнэ. Сэтгэл зүйч хүүхэдтэй тухайн асуудлын үүсэл гарал, хүндрэл, өөрт болон бусдад хэрхэн нөлөөлж байгаа талаар болон тухайн асуудалтай холбоотой үйлдэл, сэтгэл хөдлөл, бодол зэргийг дэлгэрэнгүй ярилцана. 3. Сүүлийн 5-15: Энэхүү асуудалтай холбоотой дүгнэлтийг сэтгэл зүйч өсвөр насны хүүхдэд хэлнэ. Эцэг эхэд нь хураангуй/дүгнэлт байдлаар юу гэж хэлэх гэж байгааг сэтгэл зүйч хүүхдэд хэлж зөвшөөрлийг нь авсны дараа эцэг эхээ дуудаж өрөөнд оруулж ирэхийг хүснэ. Сэтгэл зүйч эцэг эх ба өсвөр насны хүүхэд бүгдэд нь уулзалтын дүгнэлтийг хэлж, хэрхэн шийдвэрлэж болох вэ гэсэн туршиж үзэх сэтгэл хөдлөл/зуршил менежментийн арга (гэрийн даалгавар) өгнө. Энэхүү туршиж үзэх шинэ "арга" (гэрийн даалгавар) бол зөвлөгөөий хамгийн чухал хэсэг юм. Дахин уулзах дараагийн уулзалтыг долоо хоногийн дараа байхаар шууд товлож болно, эсвэл хугацаа заалгүйгээр дараа хүссэн үедээ дахин холбогдож цаг авч болно. Онлайн зөвлөгөөнд хэрхэн бэлдэх вэ? 1. Техник хангамж: Wi-Fi холбоостой байх. Камера, микрофон нь хэвийн ажилладаг компьютер дээрээс дүрс дууны асуудалгүй холбогдвол илүү дээр. 2. 60 минут таны хүүхдэд саад болох зүйлгүй байх 3. Сууж ярилцахад тохиромжтой, дуу чимээгүй орчинд байх 4. Бичиж тэмдэглэх, эсвэл дасгал ажиллаж магадгүй тул цаас, бал бэлдэх 5. Ам цангах талтай тул уух зүйл бэлдэх (нулимс гарах тохиолдолд хуурай сальфетка ойр байвал мөн тустай байдаг)

Цаг цуцлах тухай

Та товлосон цагаа 24 цагийн өмнө цуцлах боломжтой. Хэрвээ та 24 цагийн өмнө цагаа цуцлаагүй бол таны төлбөрийн 50% буцаалт хийгдэхгүй болохыг анхаарна уу.

Холбоо барих